गोरखा, २८ जेठ । उत्तरी गोरखा जाने बेनीघाट–आरुघाट–आरर्खेत–लार्के सडक अन्तरर्गतको न्याली खोला सडक भोलीदेखी साता दिनको लागि बन्द हुने भएको छ ।
पहरा फुटाएर नयाँ ट्रयाक खोल्नुपर्ने भन्दै जेठ २९ गतेदेखी असार ३ गतेसम्म उक्त खण्डको सडक बाटो बन्द हुने भन्दै धार्चे गाउँपालिकाले आज सूचना जारी गरेको हो ।
जारी सूचनामा ‘बेनीघाट–आरुघाट–लार्के भञ्ज्याङ सडक अन्तरर्गत यस गाउँपालिकाको वडा नं. ७ स्थित न्याउली खोलाभन्दा २०० मिटर दक्षिण तर्फको पहरा फुटाई नयाँ ट्रयाक सहित बाटो निमाणै गर्ने भएकोले मिति २०८१–०२–२९ गतेदेखी २०८१–०३–०३ गतेसम्म’ बन्द हुने भनिएको छ ।
उक्त समयमा ‘बिहान ६ बजेदेखी बेलुका ८ बजेसम्म बाटो बन्द रहने हुँदा सम्वन्धित सबैको जानकारीको लागि यो सूचना प्रकाशन गरिएको छ’ भनिएको छ ।
कामका सन्दर्भमा अत्यावश्यक सेवाको सवारी साधानहरुलाई भने आवश्यकतानुसार आवतजावत खुल्ला गरिने पनि सूचनामा भनिएको छ ।
बाटो बन्द हुदा सर्व साधारणलाई पर्न जाने असुविधा प्रति पालिकाले क्षमा प्रार्थी छौ समेत भनेको छ ।
