गोरखा, २६ जेठ । गोरखा–आँबुखैरेनी रोड अन्तरर्गतको १४ किलोमा सडक दुर्घटना भएको छ । दुर्घटनामा परी पहिचान खुल्न नसकेका २ जना पुरुष गंभिर घाईते भएका छन् । दुवै जनाको गोरखा अस्पतालमा उपचार भई रहेको छ ।
गोरखा बजारबाट १२ किलो तर्फ जादै गरेको बोलेरो जिप र विपरीत दिशाबाट आउदै गरेको स्कुटर एक आपसमा ठोकिएको जिल्ला ट्राफिक प्रहरी कार्यालय गोरखाले जानकारी दिएको छ ।
प्राप्त विवरण अनुसार प्रदेश ३–०१–०२३ च ५७१७ नम्बरको बोलेरो जिप र ग २३ प ७१४ नम्बरको स्कुटर ठोकिदा स्कुटरमा सवार दुवै जना गंभिर घाईते भएका हुन् । उनीहरु दुवैको नाम खुल्न सकेको छैन । दुवै जनाको टाउकोमा चोट लागेको छ । दुर्घटना दिउो १ बजे भएको प्रहरीले जानकारी दिएको छ ।
