गोरखा, ७ जेठ । भच्चेक बजारमा ‘अजिरकोट साँस्कृतिक एवं पर्यटन मेला २०८१’ हुने भएको छ । दि मनासलु युवा क्लबको आयोजनामा ३ दिने मेलाको आयोजना गरिएको हो । अजिरकोट भित्रको विभिन्न क्षेत्रको संस्कृति र पर्यटकीय स्थलको परिचय दिने गरी मेलाको आयोजना गरिएको क्लबका अध्यक्ष बिमल गुरुङले जानकारी दिनुभभो ।
३ दिनसम्म चल्ने मेलामा दौड, भलिबल, छेलो र नृत्य प्रतियोगिता हुने छ भने विविध साँस्कृतिक कार्यक्रम अन्तरर्गत लाइभ कन्र्सट, लोक दोहरी, घाँटु नाँच, लामाङ सेला, स्यार्का नाँच, लामा नाँच, झाक्री नाँच, बालन भजन, लाखे नाँच तथा पञ्चेबाजा नाच समेत हुने गुरुङले बताउनुभयो ।
खेल तर्फ भलिबल टिमले ५ हजार र दौड, छेलो र नृत्य तर्फ १०० रुपैयाँ दर्ता शुल्क लाग्ने पनि आयोजक क्लबले जानकारी दिएको छ ।
क्लबले दिएको जानकारी अनुसार दौड अजिरकोट गाउँपालिका र सिरानचोक गाउँपाको सिमानामा रहेको सिलामे भाईरल डाँडाबाट भच्चेक, नम्की बजार हुदै सिरानडाँडामा पुगेर समाप्त हुने छ । दौड ११ किलोमिटर दुरीको रहेको पनि क्बले जनाएको छ ।
दौडमा प्रथम, द्वितिय र तृतिय हुनेलाई क्रमश। १५, १० र ५ हजार नगद सहित प्रमाण पत्र र ट्रफी प्रदान गरिने छ भने भलिबल तर्फ प्रथम र द्वितिय हुने समूहलाई क्रमश। ५० र ३० हजार नगद सहित मेडल तथा प्रमाण पत्र प्रदान गरिने छ । भलिबलमा नै सर्बोउत्कृष्ट खेलाडी र सर्बोउत्कृष्ट सटरलाई नगदले सम्मान गर्ने कार्यक्रम रहेको अध्यक्ष गुरुङले जानकारी दिनुभयो ।
छेलो तर्फ भने आयोजकले प्रथम हुनेलाई ५ हजार द्वितिय हुनेलाई ३ हजार नगद सहित प्रमाण पत्र प्रदान गर्ने छ भने नृत्य तर्फ प्रथम, द्वितिय र तृतिय हुनेलाई क्रमश। १५, १० र ५ हजार नगद सहित प्रमाण पत्र प्रदान गरिने आयोजक क्लबले जानकारी दिएको छ ।
