गोरखा, ९ फागुन । मिस्टर बि आठौंँ गोरखाकाली रनिङ कप फुटवल प्रतियोगितामा आजदेखि क्वाटर फाइनल चरणका खेल सुरु हुँदैछ । प्रतियोगिता अन्र्तगत आज क्वाटर फाइनलका दुई खेल हुने आयोजकले जनाएको छ । जस अन्र्तगत पहिलो खेल दिउँसो १ बजे दौतरी युवा क्लब र अलस्टार युवा क्बल बिच हुनेछ ।
नकआउट चरणमा सतिपिपल युवा क्बललाई ३ का बिरुद्ध ५ गोल गरेर बिजयी हुँदै दौतरी युवा क्बल क्वाटर फाइनलमा पुगेको थियो । त्यस्तै धैरुङ एफसीलाई ३ गोलका बिरुद्ध ६ गोल गर्दै अलस्टार युवा क्बल क्वाटर फाइनलमा पुगेको हो । आजको दोस्रो खेल भीमसेन तारा युवा क्लब र पृथ्वी युवा क्लब बिच हुनेछ ।
भीमसेन ताराले नेपाली सेनाको रिपुर्मद्धन गणलाई ० का बिरुद्व ४ गोलले पराजित गरेर क्वाटर फाइनलमा स्थान पक्का गरेको थियो । त्यस्तै पृथ्वी युवा क्लब पेनाल्टी सुुटआउटमा त्रिवेणी युवा क्बललाई ५–४ गोलअन्तरले बिजयी भएको क्वाटर फाइनलमा पुगेको हो ।
