गोरखा, ६ फागुन । गएराती आँबुखैरेनीको नारीघाटमा भएको जीप दुर्घटनामा परी १ जना युवकको ज्यान गएको छ भने अन्य ७ जना घाईते भएका छन् । पृथ्वीराजमार्गअन्तर्गत तनहुँको आँबुखैरेनी गाउँपालिका–२ नारीघाटमा जीप दुर्घटनामा परेको ईलाका प्रहरी कार्यालय आँबुखैरेनीले जानकारी दिएको हो ।
डुम्रेबाट आँबुखैरेनी तर्फ आउदै गरेको बा १६ च ४९१८ नम्बरको जीप अनियन्त्रित भइ सडकछेउमा पल्टिँदा जीपमा रहेका चितवन इच्छाकामना गाउँपालिका–६ का २२ वर्षका सागर गुरुङको ज्यान गएको थियो ।
घाइतेमध्ये ६ जनाको पुरानो मेडिकल कलेज चितवनमा उपचार भइरहेको छ । १ जना उपचारपछि घर फर्किएका छन् ।
