गोरखा, २१ माघ । नेपाल कम्युनिष्ट पार्टी (माओवादी केन्द्र) बारपाक सुलिकोट गाउँपालिका स्तरीय अगुवा कार्यकर्ताका लागि स्कुलिङ कार्यक्रम आज सम्पन्न भएको छ ।
पार्टीको राजनीतिक दर्शन पार्टी नीति सिद्धान्त, बिचार र कार्यदिशा बारेमा पालिका स्तरका नेता कार्यकताहरुलाई अध्ययन गराउन आज एक दिने स्कुलिङ कक्षा सम्पन्न भएको नेकपा माओवादी केन्द्रका केन्द्रीय सदस्य विष्णुप्रसाद भट्टले जानकारी दिनुभयो ।
गाउँपालिकाको वडा नम्बर ६ स्थित ताकुकोटमा आयोजित स्कुलिङमा पालिका भित्रका सवै वडा वडापार्टी समितिका पदाधिकारी, गाउँपालिका पार्टी समितिका सदस्य तथा पदाधिकारी, पालिका भित्रका प्रदेश समितिका सदस्यहरुको सहभागिता रहेको थियो ।
स्कुलिङमा केन्द्रीय सदस्यहरु अमर तमुले राजनीतिक अर्थशास्त्र, लेखबहादुर थापाले दर्शन शास्त्र, कमला नहर्कीले संगठानात्मक सिद्धान्त वारेमा प्रशिक्षण प्रदान गर्नुभयो ।
त्यस्तै अर्का केन्द्रीय सदस्य बिष्णुप्रसाद भट्टले कम्युनिष्ट आन्दोलनको इतिहास, केन्द्रिय समितिकी सदस्य भगवती तिवारीले राजनीतिक कार्यदिशा, नेपालको संविधान र समावेशिताको सिद्धान्त र पार्टीका गण्डकी प्रदेशका समितिका प्रचार बिभाग प्रमुख दीपक श्रेष्ठ ‘जलन’ले सूचना प्रविधि, सामाजिक सञ्जाल र राजनीति बिषयमा केन्द्रीत रहेको प्रशिक्षण प्रदान गर्नुभएको हो ।
स्कुलिङ कार्यक्रम पालिका भित्रका एकसय ३० जनाभन्दा बढी अगुवा नेताकार्यकर्ताहरुको उत्साहजनक सहभागिता रहेको थियो ।
