काठमाडौं, ४ माघ । सञ्चार तथा सूचना प्रविधिमन्त्री रेखा शर्माले एनसेलको शेयर खरिद बिक्री सम्बन्धमा गठित अध्ययन तथा छानबिन समितिले माघ १५ भित्रै प्रतिवेदन बुझाउने बतउनुभएको छ ।
बिहीबार प्रतिनिधि सभा अन्तर्गतको शिक्षा स्वास्थ्य तथा सूचना प्रविधि समितिको बिहीबारको बैठकमा बोल्दै मन्त्री शर्माले यसबारे जानकारी दिनुभयो ।
मन्त्रिपरिषद्को मंसिर २१ गतेको बैठकले एनसेलको शेयर खरिद बिक्रीको सम्बन्धमा अध्ययन तथा छानबिन गरी ३० दिनभित्र प्रतिवेदन पेश गर्न पूर्व महालेखा परीक्षक टंकमणि शर्मा दंगालको संयोजकत्वमा समिति गठन गरेको थियो । तर निर्धारित समयमा उक्त समितिले प्रतिवेदन नबुझाएपछि सरकारले माघ १५ सम्मको म्याद दिएको थियो ।
