गोरखा, १० पुुस । गोरखाको पाँचखुवा देउरालीको भिरबाट लडेर गंभिर घाईते भएका १ जना बृद्वको उपचारको क्रममा मृत्यु गएको छ ।
मृत्युमा बारपाक सुलिकोट गाँउपालिका–७ पाँचखुवा देउरालीका ८५ बर्षिय अमरबहादुर गुरुङ भएको जिल्ला प्रहरी कार्यालय गोरखाका प्रहरी नायब उपरिक्षक एवं सूचना अधिकारी रमेशकुमार श्रेष्ठले जानकारी दिनुभयो ।
सूचना अधिकारी श्रेष्ठका अनुसार मुलबारी घर भएका गुरुङ घर नजिकैको भिरबाट १०० मिटर तल खसेर गंभिर घाईते भएका थिए । गंभिर घाईते गुरुङलाई उपचारको लागी चितवनको भरतपुर लगिएको थियो । गुरुङको उपचारकै क्रममा सोही दिन राती ज्यान गएको पनि सूचना अधिकारी श्रेष्ठले बताउनुभयो ।
