भरतपुर, ६ मंसिर । बोराभित्र पोको पारेको अवस्थामा चितवनमा दुइटा शव फेला परेको छ । भरतपुर महानगरपालिका वडा नम्बर ९ मिलनचोकस्थित कल्भर्टमा बोराभित्र शव फेला परेको हो ।
जिल्ला प्रहरी कार्यालय चितवनका डिएसपी विजयराज पण्डितका अनुसार बुधबार दिउँसो शव फेला परेको हो ।अन्दाजी ३० वर्षका पुरूष र महिलाको शव जुटको बोराभित्र फेला परेको छ,’ उहाँले भन्नुभयो, ‘दुबै जनाको हात(खुट्टा बाँधिएका छन्। मुखमा टेप समेत लगाइएको छ।’
उहाँका अनुसार खोलामा एक व्यक्ति माछा मार्न पुगेका थिए। गन्ध आएपछि ती व्यक्तिले बोरा देखेर शंका लागेपछि प्रहरीलाई खबर गरेको डिएसपी पण्डितले बताउनुभयो । शवको सनाखत भइसकेको छैन ।
प्रहरीले घटनाबारे अनुसन्धान सुरू गरिएको जनाएको छ । शवको सनाखत हुन बाँकी छ । पोष्टमर्टमको लागि दुबै शव भरतपुर अस्पतालमा लगिएको छ ।
