गोरखा,१९ कार्तिक । गोरखामा चाडपर्वको बेलाअखाद्य बस्तु बिक्री वितरण बढेकोभन्दै मसला तथा किराना ब्यवसायी संघले सरोकारवालालाई ध्यानाकर्षण गराउदै ज्ञापन पत्र बुझाएको छ ।
संघका पदाधिकारीहरुले आइतबार विभिन्न सरोकारवालाहरुलाई ज्ञापन पत्र बुझाउदै त्यस्ता गतिविधीहरुलाई तत्कालै नियन्त्रणमा लिन सुझाव समेत दिएको छ ।
संघका जिल्ला अध्यक्ष अरबिन्द गुप्ताले शुभ दिपावलीको अवशरमा गोरखा बजारको सडक पेटीमा फुटपाथमा गैर कानूनी रुपमा भाई मसला तथा खुल्ला रङ बिक्री हुन थालेको भन्दै ज्ञापन पत्र बुझाएको जानकारी दिनुभयो ।
गुप्ताको नेतृत्वमा गएको एक समूहले जिल्ला प्रशासन, घरेलु तथा साना उद्योग, गोरखा नगरपालिका, जिल्ला प्रहरी, गोरखा उद्योग बाणिज्य संघ, चेम्बर अफ कर्मश र गोरखा नगरपालिका वडा नम्बर ६ को कार्यालयमा पुगि ज्ञापन पत्र बुझाएको थियो ।
ज्ञापन पत्रमा भाई मसलामा गुणस्तर हिन सामाग्रीहरु तथा मिति गुज्रिएका सामान राखिएको र खुल्ला रुपमा बिक्री गरिएको रङमा पिठो मिसाएको तथा त्यस्ता ब्यापारीहरु जिल्लाबाट बाहिरबाट आएर पसल दर्ता नै नगरी ब्यवसाय संञ्चालन गरेको भनिएको छ ।
उनीहरुले त्यस्ता ब्यापारीलाई नियन्त्रणमा लिएर कानूनी कारवाही गर्न समेत प्रशासन तथा सरोकार निकायलाई आग्रह समेत गरेका छन् । संघ चेम्बर अफ कर्मश संग आबद्व संस्था हो ।
