गोरखा, ५ कात्तिक : गोरखा जिल्ला भित्र भुकम्पको कडा धक्का महसुस गरिएको छ । आज बिहान करिब ७ बजेर ३९ मिनेटमा गएको भुकम्पका कारण सदरमुकाम लगायतका क्षेत्रका मानिसहरुमा भागदौड समेत मच्चिएको थियो ।
राष्ट्रिय भुकम्प मापन केन्द्रका अनुसार ६ दशमलब १ रेक्टर स्केलको भुकम्प गएको हो । धादिङको खरी केन्द्रबिन्दु भएर गएको गएको भुकम्प जिल्ला भित्रका अधिकासं क्षेत्रमा महसुस गरिएको थियो । करिब ३० मिनेटको अबधीमा ५ पटकभन्दा बढी भुकम्प गएको थियो ।
भुकम्पका कारण कति क्षति भयो भन्ने एकिन बिबरण प्राप्त नभएपनि केही घरहरुमा क्षति पुगेको छ । भुकम्पको केन्द्र बिन्दु आसपासको बोर्लाङ, नाम्जुङ, बुङकोट लगायतका क्षेत्रमा भुकम्पले केही घरहरुमा क्षति पुगेको हो ।
भुकम्प गएपछि मानिसहरु घर बाहिर निस्किएर भागेका थिए । भुकम्प फेरी आउने त्रासले मानिसहरु घर बाहिर निस्किएर बसेका छन् ।
