गोरखा, ३ असोज । संविधान दिवसको अवसरमा नेकपा एमालेको विद्यार्थी संगठन अनेरास्ववियुले गोरखामा राष्ट्रिय झण्डा वितरण गरेको छ । आज सदरमुकाममा सर्वसाधारणलाई राष्ट्रिय झण्डा वितरण गरिएको अनरेरास्ववियुका अध्यक्ष प्रताप ढकालले जानकारी दिनुभयो ।
केन्द्रीय कमिटीको सेल्फी विथ नेसनल फ्ल्यागु कार्यक्रम अन्तर्गत जिल्लामा राष्ट्रिय झण्डा वितरण कार्यक्रम गरिएको उहाँले बताउनुभयो ।
सर्वसाधारणमा राष्ट्रिय भावना विकास गराउन उक्त कार्यक्रम गरिएको अनेरास्ववियुले जनाएको छ । यस क्रममा एक सयभन्दा बढी झण्डा वितरण गरिएको ढकालले बताउनुभयो । कार्यक्रममा अनेरास्ववियुका केन्द्रीय नेताहरूको पनि सहभागीता रहेको थियो ।
