गोरखा, २८ साउन । पहिराले उत्तरी गोरखाको चुमनुब्री गाउँपालिका–७ छेकम्पार स्थित झोङ गाउँका १० घर जोखिममा परेको छ । गएको केहि दिनदेखि लगातार परेको अविरल बर्षाका कारण माथिबाट पहिरा झरेपछि झोङ गाउँका झोङ गाउँमा रहेका घरहरु जोखिममा परेको गाउँपालिका अध्यक्ष निमा लामाले जानकारी दिनुभयो ।
पहिरासंगै आएको ढुङ्गा सहितको लेदो घरमा पसेर क्षति पु¥याएको उहाँको भनाई छ । लेदो घरमा पसेपछि घर भित्र रहेका खाद्यान्य, लत्ताकपडा लगायतका सामाग्री नोक्सानी भएको अध्यक्ष लामाले बताउनुभयो ।
त्यस्तै पहिरा बगेर झोङ गाउँमा स्थानीयले लगाएको फापर तथा तोरी बारी समेत नष्ट बनाएको उहाँको भनाई छ । ‘पहिराले नजिकै रहेको चरन क्षेत्रमा समेत क्षति पु¥याएको छ, अध्यक्ष लामाले भन्नुभयो, ‘घर तथा खेतबालीमा समेत क्षति पु¥याएकाले पिडितहरु समस्यामा परेका छन् ।’
पहिरा रोकथामका लागि गाउँपालिकाले आवश्यक पहल गरिरहेको समेत उहाँले बताउनुभयो । थप क्षति हुन नदिन र जोखिममा परेका घरहरु जोगाउनका लागि ग्याबिङ तारजाली हाल्ने तयारी गरिएको अध्यक्ष लामाले बताउनुभयो ।
प्रहरी र जनप्रतिनिधिको टोली पहिरा प्रभावित क्षेत्रमा पुगेर स्थलगत अवलोकन गरि जोखिमको अबस्थाको बारेमा समेत जानकारी लिइसकेको उहाँको भनाई छ ।
