गोरखा, ९ साउन । गोरखाको भीमसेन थापा गाउँपालिकामा राष्ट्रिय विभूति भीमसेन थापाको २४९ औं जन्मजयन्ती मनाइएको छ । गाउँपालिकाको वडा नम्बर ८ स्थित चण्डीथानमा रहेको थापाको घर हवेली दरवार परिषरमा मंगलबार राष्ट्रिय विभूति मुख्तियार भिमसेन थापाको जन्मजयन्ती मनाइएको हो ।
कार्यक्रमलाई सम्बोधन गर्नुहुदैँ भीमसेन थापा गाउँपालिकाका अध्यक्ष लोकप्रसाद बन्जराले भिमसेन स्मारक संग्रहालय र भिमसेन थापा पार्कलाई ऐतिहासिक एबम पर्यटकीय नगरी बनाउन थप पहल गर्नुपर्नेमा जोडदिनुभयो । उहाँले वडा नम्बर ८ का ५० जना जेहेन्दार बिधार्थीहरुलीई झोला र पठन सामाग्री वितरण गरिएको थियो ।
कार्यक्रममा गाउँपालिकाको उपाध्यक्ष अमृतादेवी वस्ती, प्रमुख प्रशासकीय अधिकृत– चित्र बहादुर अधिकारी, वडा नम्बर ७ का वडाध्यक्ष नारायण श्रेष्ठ, वडा नम्बर ८ का वडाध्यक्ष बिष्णु कुमार श्रेष्ठ लगायतको सहभागिता रहेको थियो । भीमसेन थापा बोर्लाङ प्रतिष्ठानको आयोजनामा बोर्लाङको आयोजनामा कार्यक्रम गरिएको हो । यसैबिच गाउँपालिकाले आज पालिका भित्र सार्वजनिक विदा दिएको छ ।
गाउँकार्यपालिकाको असार १४ गते बसेको बैठकले भीमसेन थापाको जन्मजयन्तीको अवसरमा पालिका भित्र सार्वजनिक विदा दिने निर्णय गरेको थियो । गाउँपालिकाको नामकरण नै राष्ट्रिय विभूति भीमसेन थापाको नाममा राखिएको गाउँपालिका भएकाले पनि उहाँको उच्च सम्मानमा सार्वजनिक विदा दिइएको हो । सार्वजनिक विदाको दिन पालिका अन्र्तगतका सवै कार्यालय, विद्यालय, स्वास्थ संस्थाहरुसंग बन्द गरिएको थियो । थापाको पुख्र्यौली घर हेवली दरवार पूर्णरुपमा भग्नावशेष अवस्थामा रहेको छ । गएको बर्ष हेवली दरवार परिषर्मा थापाको शालिक निर्माण गरिएको छ ।
