सन्दिप सुनार
साउन ८, टाेकीयाे । जापानकाे टाेकीयाेमा नेकपा माओवादी केन्द्रका केन्द्रिय सल्लाहकार तथा पार्टी अध्यक्ष एबम प्रधानमन्त्री पुष्पकमल दाहाल (प्रचण्ड ) कि जीवन संगिनी स्वर्गीय सिता दाहाललाई श्रद्धाञ्जली दिने कार्यक्रम सम्पन्न भएकाे छ ।
नेपाली मुक्ति आन्दोलन अग्रणी योद्धा, महान जनक्रान्तिकी नेतृ दाहालको दु:खद निधन प्रती नेपाली जनप्रगतिशिल मञ्च जापानको आयोजनामा श्रद्धाञ्जली कार्यक्रमको आयोजना गरिएको हो । उहाँको ६९ औं बर्षको उमेरमा निधन भएको थियो । सोमवार १३ औ दिनको पुण्य तिथिको अवसर पारेर टाेकियाेकाे सिन ओकुबामा श्रद्धाञ्जली कार्यक्रम गरिएको हो ।
नेपाल सरकारका भौतिक योजना तथा यातायातमन्त्री प्रकाश ज्वालाकाे प्रमुख आतिथ्यता भएको कार्यक्रममा डा. दुर्गा बहादुर सुबेदी लगायत जापानमा रहेका नेपालीहरुको बाक्लो उपस्थित रहेको थियो । श्रद्धाञ्जली कार्यक्रम मञ्चका अध्यक्ष भवानी पन्तको अध्यक्षतामा सम्पन्न भएको हो ।
