गोरखाको आरुघाट गाउँपालिका–२ छापठोट्नेरी स्थित सुकुन्द्र खोलामा पौडी खेल्ने क्रममा एक बालकको ज्यान गएको छ । धार्चे गाउँपालिका–२ केरौजा घर भएका १५ वर्षीय कबिन्स गुरुङको पौडी खेल्ने क्रममा डुवेर ज्यान गएको जिल्ला प्रहरी कार्यालय गोरखाका सूचना अधिकारी प्रहरी नायब उपरीक्षक (डिएसपी) रमेशकुमार श्रेष्ठले जानकारी दिनुभयो ।
मान्वुस्थित श्री भवानी माध्यमिक विद्यालयमा कक्षा १० मा अध्ययनरत बालक गुरुङ विद्यालयको होस्टल बसेर पढ्दै आएका थिए । होस्टलमा बस्दै आएका अर्का एकजना साथीसंगै खोलामा पौडी खेल्ने क्रममा रहमा डुवेर बालकको ज्यान गएको उहाँले बताउनुभयो ।
पौडी खेल्ने क्रममा डुवेका उनलाई उद्धार गरेर आरुघाटमा रहेको प्राथमिक स्वास्थ्य केन्द्र आरुचनौटेमा उपचार गर्न पु¥याएको र उपचारको क्रममा नै बालकको मृत्यु भएको डिएसपी श्रेष्ठले जानकारी दिनुभयो । उनीसंगै पौडी खेल्न गएका अर्का बालक भने सकुशल होस्टलमा फर्किएको प्रहरीको भनाई छ । बालक विहिबार दिउँसो खोलामा पौडी खेल्ने क्रममा डुवेको प्रहरीको भनाई छ ।
