गोरखा २३ जेठ । भीमसेन थापा गाउँपालिका वडा नम्बर ७ स्थित बोर्लाङमा रहेको ठूलो पोखरी युवा क्लबले ३९ जना बालबालिकालाई शैक्षिक सामाग्री वितरण गरेको छ । क्बलले आर्थिक सहयोग संकलन गरी चाहापानीमा रहेका दलित बिपन्न र आसाहाय बालबालिकाहरुका लागि शैक्षिक सामाग्री वितरण गरेको क्लबका सचिव सन्दिप रोकाले जानकारी दिनुभयो ।
श्री सरस्वती माध्यामिक बिधालयमा अध्ययनरत बालबालिकाहरुलाई करिब ४५ हजार रुपैया बराबरको शैक्षिक सामाग्री वितरण गरिएको उहाँको भनाई छ । शैक्षिक सामाग्री बितरणका लागि क्बललाई ठूलोपोखरी घर भएका स्थानीबासी कृष्ण रोकाबाट २१ हजार १४७, अष्टेलिया बाट ८ हजार ७५, प्रदिप रोकाबाट ३ हजार, विष्णु रोकाबाट ३ हजार आर्थिक सहयोग संकलन भएको सचिव रोकाले बताउनुभयो ।
त्यस्तै सुजन रोकाबाट १ हजार ५ सय, कुमार रोकाबाट २ हजार, सुभाष रुचालबाट २ हजार र सुजन गैरेबाट १ हजार रुपैया सहयोग प्राप्त भएको उहाँको भनाई छ । विद्यालयमा एक कार्यक्रमको आयोजना गरी वडाध्यक्ष नारायण श्रेष्ठ तथा विद्यालयका प्रधानध्यापक रामचन्द्र पौडेल लगायतको सहभागितामा झोला, जोमेट्रिबक्स,कापी कलम लगायतका शैक्षिक सामग्री बितरण गरिएको सचिव रोकाले बताउनुभयो ।
