गोरखा, १२ जेठ । गोरखामा ‘प्रथम अन्तर विद्यालय गोर्खाली कप फुटबल प्रतियोगिता २०८० हुने’ भएको छ । हरमटारी क्लब गोरखाको आयोजनामा आगामी जेठ ३० गतेदेखि असार २ गते सम्म प्रतियोगिता हुने महासचिब किरण ढकालले जानकारी दिनुभयो ।
जिल्लाको फुटबल बिकास र व्यवसायीक खेलाडी उत्पादन गर्ने उदेश्यले आयोजना गरिएको फुटबल प्रतियोगितामा जिल्ला भरीका विद्यालय सहभागी हुने जनाएको छ ।
‘स्वस्थको लागि खेलकुद राष्ट्रका लागि खेलकुद’ भन्ने नाराका साथ हुन लागेको प्रतियोगितामा उत्कृष्ट हुने १५ खेलाडी लाई प्रशिक्षण लागि छनोट गरिने उहाँले बताउनुभयो । प्रतियोगीतामा प्रथम र द्धितिय हुने टिमले क्रमशःरु ३० हजार, १५ हजार ट्रफि मेडल र प्रमाणपत्र प्राप्त गर्ने क्लबले जनाएको छ ।
प्रतियोगितामा सहभागी हुनका लागी २५ सय दर्ता शुल्क तोकिएको छ । टिम दर्ताको अन्तिम मिति २५ गते सम्म रहेको छ ।
