गोरखा, २१ बैशाख । गोरखाको अजिरकोट गाउँपालिकाले सार्वजनिक पद धारण गरेका सबै ब्यक्तिहरुको आफ्ना बालबालिकाहरुलाई सामुदायिक बिद्यालयमा भर्ना गर्ने सम्बन्धी नीति ल्याएको छ । सामुदायिक बिद्यालयहरुलाई थप ब्यबस्थित र प्रभाबकारी बनाई गुणस्तरीय शिक्षा सुनिश्चितता गर्न सहयोग पु¥याउने उदेश्यले गाउँपालिकाले यस्तो नीति ल्याएको ल्याएको अध्यक्ष दीपक देवकोटाले जानकारी दिनुभयो ।
अजिरकोट गाउँ कार्यपालिकाबाट सार्बजनिक पद धारण गरेका जनप्रतिनिधि, शिक्षक, कर्मचारी बिधालय ब्यबस्थापन समितिमा आबद्ध शिक्षक अभिभावक संघका पदाधिकारीहरुले आफ्ना बालबालिकाहरुलाई बाल कक्षादेखि कक्षा ८ सम्म अनिवार्य सामुदायिक बिद्यालयमा भर्ना गराउनुपर्ने उहाँले बताउनुभयो । गाउँपालिकाले नीति कार्यान्वयनका लागि सार्वजनिक सूचना मार्फत सवैलाई अनुरोध गरेको अध्यक्ष देवकोटाले जानकारी दिनुभयो ।
आज सार्वजनिक सूचना जारी गरेको गाउँपालिकाले आगामी ७ दिनभित्रमा सम्बधित सवैले सामुदायिक बिद्यालयमा भर्ना गराई गाउँपालिकाको शिक्षा शाखामा जानकारी गराउन समेत निर्देशन दिइएको छ ।
