काठमाडौं, ५ वैशाख । गायक प्रकाश सपुतले आफ्नो अघिल्लो हिट गीत ‘बोल माया’को दोस्रो श्रृंखला ल्याउने भएका छन् । चार वर्षअघि सार्वजनिक गीतको अन्त्यमा पनि सपुतले ‘बोलमाया’को दोस्रो श्रृंखला ल्याउने घोषणा गर्नु भएका थिए । प्रकाश निकट स्रोतका अनुसार जेठदेखि नयाँ शृंखलाको काम सुरु हुने भएको छ । पहिलेकै कथालाई निरन्तरता दिने गरी गीतको निर्माण सुरु हुने जानकारी प्राप्त छ ।
साथै, सपुत पछिल्लो गीत ‘सकम्बरी’लाई लिएर चर्चामा छन् । नारीद्वेषी भन्दै कतिपय यो गीतको विरुद्ध खनिएका छन् भने प्रकाशले चाहिं पितृसत्तात्मक कोणबाट उक्त गीत प्रस्तुत गरेको प्रतिक्रिया दिदैं आउनु भएका छन् । जे होस्, यी दुई मतबीच ‘सकम्बरी’ रिलिजको पाँच दिनदेखि युट्युब ट्रेन्डिङको शीर्षस्थानमा छ ।
उहाँले ‘सकम्बरी’को दोस्रो भाग ल्याउने पनि जानकारी गराइसक्नु भएका छन् । के राजनीतिमा जालिन् त सकम्बरी रु भन्दै उहाँले भिडियोको कथावस्तुको खुलासा समेत गीतको अन्त्यमा गरेका छन् । गायक सपुत सांगीतिक टुरको सिलसिलामा अहिले अमेरिकामा छन् ।
