गोरखा, १ बैशाख । गोरखाको ११ स्थानीय तहहरु मध्ये शहीद लखन गाउँपालिका बेरुजु सवै भन्दा कम भएको पहिलो गाउँपालिका बनेको छ । आर्थिक बर्ष २०७८÷०७९ मा शहीद लखन गाउँपालिकाको बेरुजु ०.५ प्रतिसत मात्र रहेको हो ।
त्यस्तै अजिरकोट गाउँपालिकामा जिल्लाभर दोस्रो बेरुजु कम हुने गाउँपालिका बनेको छ । अजिरकोट गाउँपालिकाको कुल बेरुजु ०.६७ प्रतिसत मात्र रहेको महालेखा परीक्षकको कार्यालयले जनाएको छ । दुई नगरपालिका र ९ गाउँपालिका रहेको गोरखामा गण्डकी गाउँपालिका तेस्रो र भीमसेन थापा गाउँपालिका चौथो बेरुजु न्युन हुने गाउँपालिका पर्न सफल भएको छ ।
गण्डकी गाउँपालिकाको बेरुजु ०.७१ प्रतिसत र भीमसेन थापा गाउँपालिकाको बेजुरु ०.८३ प्रतिसत मात्र बेरुजु देखिएको महालेखा परीक्षकको कार्यालयले जनाएको छ । आरुघाट गाउँपालिकाको बेरुजु ०.८७ प्रतिसत रहेको छ भने चुमनुव्री गाउँपालिकाको बेरुजु १. १३ प्रतिसत, गोरखा नगरपालिकाको बेरुजु १.ं८६ प्रतिसत, बारपाक सुलिकोट गाउँपालिकाको बेरुजु १.२७ प्रतिसत, सिराचोक गाउँपालिकाको बेरुजु १.१३ प्रतिसत रहेको हो ।
त्यस्तै पालुङटार नगरपालिकाको बेरुजु १.१३ प्रतिसत र धार्चे गाउँपालिकाको बेरुजु १.८४ प्रतिसत रहेको कार्यालयले सार्वजनिक गरेको तथ्याङकमा उल्लेख छ । महालेखाले जारी गरेको बिबरण अनुसार गोरखाको गोरखा नगरपालिका जिल्लाभरका पालिकाहरु मध्ये सवैभन्दा धेरै बेरुजु हुने गाउँपालिकामा परेको छ ।
