गोरखा, २१ चैत । गोरखा सदरमुकाममा निमार्णधिन मानव सेवा आश्रमको भवनको ७० प्रतिशत काम सम्पन्न भएको छ । आश्रमले स्थानिय, प्रदेश र संघिय सरकारको सहयोगमा भवन निर्माण गरिरहेको हो ।
भवनको ७० प्रतिशत काम सम्पन्न भई सकेको भवन निर्माण समितिका संयोजक ईश्वरकाजी मास्केले जानकारी दिनुभयो । गोरखा नगरपालिका–८ को खोलखोले क्षेत्रमा निर्माणधिन रहेको भवनलाई अहिले कलात्मकता दिने काम भई रहेको छ ।
५ तले ३२ कोठे भवनको अहिले विद्युतीकरण, पार्टेशन र बाहिरी आवरणमा काम भई रहेको संयोजक मास्केले बताउनुभयो । ६ करोडमा भवन निर्माण सम्पन्न गर्ने लक्ष्य राखिएको भएता पनि बाहिरी आवरणलाई कलात्मक बनाउदाँ खर्च बढेर ८ करोडसम्म पुग्न सक्ने पनि मानव सेवा आश्रम गोरखाकी सञ्चालिका मुना मानव सेवाले जानकारी दिनुभयो ।
भवनलाई कलात्मकता दिनका लागि ३० वटा झ्याल र ३ वटा ढोका भक्तपुरबाट आयात गरिएको छ । साथै भक्तपुरमा नै बनेको भएको तेलिय ईट्टा प्रयोग भईरहेको भवन निर्माण समितिले जनाएको छ ।
भवन सम्पन्न भए संगै ३ फ्ल्याटमा बालबालिका, १ फ्ल्याटमा अफिस र १ फ्ल्याटमा अभियान्ताहरु बस्ने गरी निर्माण भईरहेको छ । भवनको लागि हालसम्म संघिय सरकार मार्फत १ करोढ ४९ लाख ८८ हजार ६६६ रुपैयाँ र गण्डकी प्रदेश सरकार मार्फत १ करोड ३९ लाख ३२ हजार ६०६ रुपैयाँ प्राप्त भएको मानव सेवा आश्रम गोरखाले जानकारी दिएको छ ।
निर्माण कार्य भईरहदा कुल ३ करोड ७७ लाख ८५ हजार ४६४ रुपैयाँ खर्च हुदा जिलल भित्रको स्थानिय तह अन्तरर्गत गोरखा नगरपालिकाले ३८ लाख ३४ हजार १५ रुपैयाँ र शहिद लखन गाउँपालिकाले ५ लाख ११ हजार १११ रुपैयाँ आर्थिक सहयोग उपलब्ध गराएको पनि आश्रमले जनाएको छ ।
त्यस्तै गरी, सिरानचोक गाउँपालिकाले ५ लाख ४ हजार ४८६ रुपैयाँ र अजिरकोट गाउँपालिकाले हालसम्म ४ लाख ९० हजार ७७७ रुपैयाँ आर्थिक सहयोग उपलब्ध गराएको छ ।
अन्यको पनि सहयोग रहेको भवनमा ३५ लाख २३ हजार रुपैयाँ बरावरको सहयोग सर्व साधारणहरुले उपलब्ध गराएको पनि आश्रले जनाएको छ ।
संकलित रकमभन्दा करिब ३९ लाख रुपैयाँ बढी खर्च भईसकेको भवन निर्माणका लागि सहयोगीहरुको खोजी भई रहेको छ ।
