गोरखा,२९ फागुन । गोरखाको शहिदलखन गाउँपालिका वडा नम्वर – ९ नामजुङको बुंकोटघाटमा जारी भीमविरेश्वर मन्दिरमा भईरहेको ‘श्रीमद्भागवत सप्ताह ज्ञान महायज्ञ’ मा अहिलेसम्म ७० लाख रुपैयाँ संकलन भएको छ । महायज्ञको पाचौं दिनसम्ममा अहिले ७० लाख रुपैया आर्थिक सहयोग जुटेको मुल समारोह समितिका संयोजक सुरेन्द्रबहादुर थापाले जानकारी दिनुभयो । महायज्ञ यज्ञबाट २ करोड रुपैयाँ उठाउने लक्ष्य राखिएको उहाँले बताउनुभयो । थापाका अनुसार पहिलो दिनमा १५ लाख, दोस्रो दिनमा ७ लाख, तेस्रो दिनमा १२ लाख, चौथो दिनमा २५ लाख र पाँचौ दिनमा ११ लाख रुपैयाँ संकलन भएको छ । विक्रम सम्बत १९८८ सालामा भिमसेन थापाले महादेवको मन्दिर, सत्तल,कान्जिघर, कारागार तथा माझी र पाहुना बस्ने घरहरु निर्माण गरेका थिए । नेपालकै ठुलो सत्तल, चत्वरे यात्री, बटुवा आदिलाई बस्नका निम्ति धर्मात्मा ब्यक्तिहरुद्वारा बनाइएको विशेषतःदेवस्थलहरुमा–निर्मित ठुलो कोठो, तलो आदि भएको घर वा पाटी धर्मशाला मानिदै आएको छ । बुढी गण्डकी जलाशय निर्माण गर्दा उक्त मन्दिर ढुवानमा पर्ने भएपछि स्थानियको सक्रियतामा मन्दिर उपयुक्त स्थानमा स्थान्तरणकोलागी महायज्ञ लगाईएको आयोजक समितिका सह संयोजक शिब बञ्जराले बताउनुभयो । फाल्गुण २३ गतेबाट सुरु भएको भीमविरेश्वर आध्यात्मिक महोत्सव तथा श्रीमद्भागवत सप्ताह ज्ञान महायज्ञ फाल्गुण ३० गतेसम्म सञ्चालनमा आउने उहाँले जानकारी दिनुभयो । ऐतिहासिक उक्त मन्दिर ०३६ साल पछि भिमसेन थापाका सन्ततीहरुमा बिचन आए पछि भग्नावशेष अवस्थामा रहेको छ । मन्दिरमा भएका सुनका गजुर, नागपासा तथा बहुमुल्य बस्तु अहिले पनि ब्यक्तिहरुले आफ्नो निजी घरमा राख्दै आएका छन् । महायज्ञमा गोरखा जिल्लाको गोरखा नगरपालिका, शहिद लखन गाउँपालिका, भिमसेन थापा गाउँपालिकाका र धादिङको ज्वालामुखी, खरी र त्रिपुरासुन्दरी गाउँपालिकाका श्रद्वालुहरुले कथा श्रवण गरिहको मुल समारोह समितिका महासचिव नारायण लामिछानले बताउनुभयो । लामिछानेका अनुसार पाँचौ दिनसम्म २५ हजार श्रद्वालु यज्ञमा सहभागी भईसकका छन् । समितिका अनुसार हालसम्म ५ जनाले तुला दान गरिसकेका छन् भने २ जनाले २ लाख ११ हजार १११ रुपैयाँ यज्ञमा दान गरेका छन् । यज्ञमा सहभागीहुनेहरुलाई दैनिक ३ वटा रुपमा निशुल्क बस सञ्चालमा ल्याएका छन् । प्राप्त जानकारी अनुसार मैलुम, बतासे र फुजेलको रुटमा निशुल्क बस सञ्चालन गरेको हो ।
