गोरखा, १८ फागुन । गोरखामा चितुवाको आक्रमणबाट एक पुरुष घाइते भएको छ । पालुङ्टार नगरपालिका वडा नं.८ दुभारका रामकुमार कुमाललाई चितुवाले आक्रमण गरेर घाइते बनाएको हो ।
चितुवाको आक्रमणबाट टाउको, छाती र पाखुरामा गहिरो चोट लागेका ६२ बर्षका कुमाललाई उपचारका लागि चितवन मेडिकल कलेजमा पठाइएको प्रहरीले जनाएको छ ।
जंगलमा गाईबस्तु चराउन जानु भएका कुमालले एक महिलालाई लखेट्दै गरेको देखेर चितुवालाई ढुंगाले हानेपछि महिलालाई छाडेर उनलाई झम्टिएको प्रहरीको भनाइ छ ।
