गोरखा, ५ फागुन । गोरखाको भिमसेनथापा गाँउपालिकाले आफ्नै लोगो बनाउने भएको छ । आज एक सूचना जारी गर्दै गाँउपालिकाको ऐतिहासिकता झल्कने गरी लागो तयार पार्न प्रस्ताव गरिएको प्रशासकिय अधिकृत चित्र बहादुर अधिकारीले जानकारी दिनुभयो ।
उहाँका अनुसार लोगोमा गाँउपालिकाको नक्सा समावेश गराई ऐतिहासिक तथा संस्कृतिक झल्कने हुनु पर्नेछ । यस्तै गाँउपालिकाको महत्वपूर्ण प्राकृतिक सम्पदा एवं पर्यटकीय स्थलहरु समेटि दिर्घकालिन सोच सहित ग्रेट, स्मार्ट, हरियाली, स्वच्छ, समृद्ध, समाजवाद उन्मुख नमुना गाँउपालिकाको विषयबस्तु स्पष्ट रुपमा झल्किनु पर्नेछ ।
गाँउपालिकाको नामकरण सँग मिल्दो भई अर्थमुलक तथा सन्देश मुलकसहित विवादस्पद र दोहोरो अर्थ नलाग्ने गरी लोगो निमार्ण गर्नुपर्ने प्रशासकिय अधिकृत अधिकारीले बताउनुभयो । सूचना प्रकाशित भएको मितिदेखी ७ दिन भित्रमा लागोको डिजाइनको सफ्ट कपिसहित प्रस्ताव पेश गर्न गाँउपालिकाले अपिल गरेको छ ।
डिजाइनकर्ताहरु बाट आएको मध्य छनोट भएको लागो गाँउपालिकाको पूर्ण स्वामित्वमा रहने उहाँको भनाई छ । उत्कृष्ट लागो बनाउने डिजाइनकर्तालाई नगद रु ४० हजार पुरस्कारले सम्मान गरिने गाँउपालिकाकाले जनाएको छ ।
