काठमाडौं, २ फागुन । श्रीमानको कुटाइबाट दैलेखमा श्रीमतीको मृत्यु भएको छ ।
गुराँस गाउँपालिका—८ गर्चाका २८ वर्षीय कृष्णबहादुर खड्काले २७ वर्षीया श्रीमती पार्वती बीसीलाई कुटपिट गरि हत्या गरेका हुन् ।
श्रीमान् श्रीमतीबीच पारिवारिक विवाद भएपछि सोमबार राति साढे १० बजे कृष्णबहादुरले ढोकामा लगाउने गरालोले हानेर हत्या गरेको जिल्ला प्रहरी कार्यालय दैलेखले जानकारी दिएको छ ।
घरमा दुईजना श्रीमान श्रमिती मात्रै बस्दै आएको खुलेको छ । स्थानीयवासीका अनुसार विगत केही दिनदेखि श्रीमान् र श्रीमति बीचमा विवाद हुँदै आएको थियो । सोही विवाद बढ्दै गएपछि कृष्णबहादुरले श्रीमती पार्वतीलाई कुटपिट गरेका थिए ।
गत मंसिरमा मात्रै उनिहरुको परिवारले विवाह गराई दिएका थिए ।
प्रहरीका अनुसार दुवैजना शारीरिका रुपमा अशक्त थिए । श्रीमान् कान सुन्न नसक्ने र श्रीमती पनि शारीरिक रुपमा अशक्त रहेको पाइएको छ । घटनाबारे थप अनुसन्धान भै रहेको प्रहरीले जनाएको छ ।
प्रहरीका अनुसार कृष्णबहादुर सुन्न नसक्ने भएकाले अनुसन्धानमा समस्या भएको छ ।
