गोरखा, २२ माघ । गोरखाको भिमसेनथापा गाँउपालिकाले पालिका भित्र रहेका छाडा कुकुरको निःशुल्क बन्ध्याकरण तथा रेविज बिरुद्धको शिविर कार्यक्रम संचालन गर्ने भएको छ । पालिका भित्रका सबै घरपालुवा तथा समुदायमा छाडा छोडीएका कुकुरको निःशुल्क बन्ध्याकरण गर्न लागेको भिमसेनथापा गाउँपालिकाकाले जनाएको छ ।
केही दिन अधि तान्द्राङ – २ ओख्लेमा कुकुरको टोकाई बाख्रा मरेपछि गाउँपालिकाले तत्काल रेविज बिरुद्धको शिविर सञ्चालन गर्न लागेको हो । त्यस्तै चालु आर्थिक बर्षको कार्यक्रमबाट पालिका भित्र छाडा कुकुरको निशुल्क बन्ध्याकरण शिविर समेत सञ्चालन गर्न लागेको गाउँपालिकाले जारी गरेको सूचनामा उल्लेख छ ।
गाउँपालिका पशुसेवा शाखा र भेटेनरी अस्पताल तथा पशुुसेवा बिज्ञकेन्द्र गोरखा गोरखाको समन्वयमा बन्ध्याकरण तथा रेविज बिरुद्धको शिविर सञ्चालन गर्न लागेको हो । कुकुरले टोकेको केही बाख्रा मरेपछि ओख्ले क्षेत्रमा रेविजको आंशकामा त्रास फैलिएको छ । गाउँपालिकाले यहीँ माघ २५ गते शिविर सञ्चालनमा गर्ने सूचनामा उल्लेख छ ।
