गोरखा, २१ माघ । गोरखा जिल्ला बचत तथा ऋण सहकारी संघको विशेष साधारण सभा शनिबार सम्पन्न भएको छ । स्थपना भएर पनि बचत तथा ऋण सहकारीको क्षेत्रमा संक्रिय भुमिका खेल्न नसकेकाले संघले बिशेष साधारणसभा बोलाएर नयाँ कार्यसमिति चयन गरेको संघका सदस्य रामबाबू श्रेष्ठले जानकारी दिनुभयो ।
बि. स २०७३ सालमा स्थापना भए पनि संघले सहकारीको बिकासमा संक्रिय भूमिका खेल्न नसकेको भन्दै संघका सदस्यले संस्थाले बिशेष साधारणसभाको माग गरेपछि साधारणसभा बोलाइएको थियो । बिशेष साधारण सभामा गोरखा जिल्लामा रहेको ३४ वटा सहकारी संस्थाका प्रतिनिधिहरुको उपस्थिती रहेको आयोजकले जनाएको छ । विशेष साधारण सभाले तिर्थबहादुर नेपालीको अध्यक्षतमा ९ सदस्यीय सञ्चाक समिति र ३ सदस्यीय लेखा समिति गठन समेत गठन गरेको छ ।
जसको उपाध्यक्षमा कृष्णकुमार श्रेष्ठ , महासचिबमा सुशील अर्याल र कोषध्यक्षमा तारा बस्याललाई चयन गरिएको जिल्ला सहकारी संघले जनाएको छ । लेखा समितिको संयोजकमा भने भिम बहादुर खत्री चयन भएको सहकारी संघले जनाएको छ ।
बाबुराम थापाको अध्यक्षतामा भएको कार्यक्रममा जिल्ला सहकारी संघ गोरखाका अध्यक्ष बाबुराम कोईरालाले सहकारी क्षेत्रको महत्व र बचत सस्थाको छाता संघको गठन सबै मिलेर आपसी सहमतिमा अघि बढ्नु पर्ने धारणा व्यक्त गर्नुभयो । कार्यक्रम जिल्ला सहकारी संघका अधयक्ष कोइरालाको प्रमुख आतिथ्यतमा सम्पन्न भएको हो ।
