गोरखा, १५ माघ । गोरखा नगरपालिका वडा नं. ८ कट्टेलडाँडामा रहेको लुदी दामगाडे सामुदायिक वन उपभोक्ता समूहको नयाँ कार्यसमिति चयन भएको छ । समूहको आज भएको २९ औं वार्षिक साधारण सभा तथा १३ औं अधिवेशनले नयाँ कार्यसमिति चयन गरेको हो ।
अधिवेशनले पाँच जनालाई पछि अनुमोदन गर्ने सहमति सहित हरिभक्त कट्टेलको अध्यक्षतामा १७ सदस्यी कार्यसमिति चयन गरेको छ । समितिको उपाध्यक्षमा बाबुराम खत्री, महिला उपाध्यक्षमा पशुपती खत्री, सचिवमा गिता खत्री, कोषाध्यक्षमा भगिरथ खत्री र सह—सचिवमा इश्वर खत्री चयन भएका छन् ।
यस्तै सदस्यहरुमा सपना खत्री, राञ्तिा थापा, रीता थापा, लक्ष्मण उपरकोटी, गायत्री थापा, राम बहादुर राना, हरिकृष्ण कट्टेल, रामेश्वर कट्टेल, मिरा कट्टेल, सुजन राना, बेलु राना र कमल कमर चयन भएको अध्यक्ष कट्टेलले जानकारी दिनुभयो । कार्यक्रममा निवर्तमान सचिव निर्मला थापा कुंवरले वार्षिक प्रतिवेदन पेश गर्नु भएका थिए ।
निवर्तमान अध्यक्ष रामजी प्रसाद कट्टेलको अध्यक्षतामा भएको कार्यक्रममा वडाध्यक्ष श्रृषि राम खत्रीको प्रमुख आतिथ्यता रहेको अधिवेशनमा सामुदायिक वन उपभोक्ता समूहका सम्पूर्ण साधरण सदस्यहरुको उपस्थिती रहेको थियो ।
