गोरखा, २८ पुस । गोरखाको शहिद लखन गाउँपालिकामा सडकमा गुडिरहेको टिप्पर अनियन्त्रित भएर घरमाथि ठोक्एिर दुर्घटना भएको छ । शहिदलखन गाउँपालिका – ७ खाब्दिभन्ञ्याङ्म नजिकै गएराती सडकमा गुडिरहेको टिप्पर अनियन्त्रित भएर दुर्घटना भएको हो ।
टिप्पर सडक मुनि रहेको बिनमराज थापाको पक्की घरमा ठोक्किएको स्थानीयले बताएका छन् । दुर्घटनाबाट कुनै मानविय क्षति भने हुन पाएन । दुर्घटनाबाट टिप्पर र थापाको पक्की घरमा क्षति पुगेको छ ।
घटनापछि जनप्रतिनिधि र स्थानीयले टिप्पर नियन्त्रणमा लिएर प्रहरीलाई बुझाएको छ । घटनाको थप अनुसन्धान भइरहेको प्रहरीले जनाएको छ । तस्बिर सौजन्य : वडाध्यक्ष शरण श्रेष्ठ
