गोरखा, २२ पुस : गोरखाको एक मात्र सरकारी गोरखा क्याम्पसमा स्वास्थ्य विषयमा स्नातकोत्तर तहको पढाई हुने भएको छ । स्वास्थ्य विषयको पढाईको माग गर्ने धेरै बिद्यार्थी भएपछि यसै बर्षदेखि स्वास्थ्य विषयमा स्नातकोत्तर तहको भर्ना खुल्ला गर्न लागिएको क्याम्पस प्रमुख रामशरण बानिँयाले जानकारी दिनुभयो ।
‘ हेल्थ बिषयमा अध्यनको लागि माग गर्ने बिद्यार्थी धेरै भएसकेका छन् , उहाँले भन्नुभयो ‘क्याम्पसको प्रमुख बिभागको निर्णय अनुसार त्रिभुवन विश्वविद्यालयलाई पत्र पठाइएको र क्याम्पसका साहायक डिन लगायतको टोलीले सम्भाब्यताको अध्ययन गरेर र्फकिएको समेत उहाँले बताउनुभयो । अब टोलीको प्रतिवेदनअनुसार विश्वविद्यालयले स्वीकृति दिन्छ’उहाँले भन्नुभयो, ‘त्यसपछि हामी भर्ना खुलाउँछौँ । हेल्थमा मास्टर्स डिग्री सञ्चालन गर्न हामीसित जनशक्तिलगायतका पूर्वाधार तयार छ ।
’स्वास्थ्यमा स्नातक तह पूरा गरेकाहरुले यसअघि त्यसभन्दा माथिल्लो तह पढ्न नपाएका र पढ्नै पर्नेहरुले कि काठमाडौँ जानु पर्ने, कि पाठ्यक्रम तथा अन्य विषयमा पढ्नु परेको उहाँले बताउनुभयो । ‘हेल्थमा मास्टर्स डिग्री सञ्चालन भयो भने एचए पढेकाहरुले पनि विषय मिल्दो माथिल्लो तह पढ्ने अवसर पाउँछन्’,। गोरखा क्याम्पसमा यसअघि जीव विज्ञान शिक्षा, अंग्रेजी शिक्षा, नेपाली शिक्षा, गणित शिक्षा र पाठ्यक्रम तथा मूल्यांकन शिक्षा विषयमा स्नातकोत्तर तहमा पढाइ हुदै आएको छ ।
