दाङ, ५ कात्तिक । दाङको बबई नदीमा नुहाउन गएका दुई किशोरी डुबेर बेपत्ता भएका छन् । शनिबार तुलसीपुर उपमहानगरपालिका ११ र दंगीशरण गाउँपालिका २ को सिमानामा पर्ने बबई नदीमा नुहाउने क्रममा उनीहरू डुबेर बेपत्ता भएका हुन् ।
बेपत्ता हुनेमा दंगीशरण २ सिमलकुनाकी १५ वर्षीया रमा शाही र सल्यान दमाचौर घर भई दंगीशरण २ स्थित मामाघरमा आएकी १४ वर्षीया गोमा चन्द रहेको इलाका प्रहरी कार्यालय तुलसीपुरले जनाएको छ ।
अहिले प्रहरी र स्थानीयहरूको संयुक्त टोलीले बेपत्ता दुवै किशोरीको खोजी गरिरहेको तुलसीपुरका प्रहरी निरीक्षक पर्वत केसीले बताउनुभयो ।
