काठमाडौं, २५ असोज। नेपाली बजारमा मंगलबार एकैदिन सुनको मुल्य तोलामा १२ सय रुपैयाँले घटेको छ ।
मंगलबार सुन प्रतितोला ९४ हजार रूपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ। यो सोमबारको तुलनामा एक हजार दुई सयले कम हो। आइतबार सुन प्रतितोला ९५ हजार दुई सय रूपैयाँमा कारोबार भएको थियो।
त्यस्तै, सोमबारको तुलनामा चाँदी पनि प्रतितोला १५ रूपैयाँले घटेर मंगलबार एक हजार दुई सय १५ रूपैयाँमा कारोबार भइरहेको छ। सोमबार चाँदी एक हजार दुई सय ३० रूपैयाँमा कारोबार भएको थियो।
