गोरखा, १६ असोज । गोरखा दरबारमा फुलपाती भित्राउने काम सम्पन्न भएको छ । गोरखा दरबारको दशैं घरमा फुलपाती भित्राउने काम सम्पन्न भएको गोरखा दरर्बार हेरचाह अडले जनाएको छ ।
आजै गोरखा दरर्बारको दशैं घरबाट काठमाण्डौंको हनुमानढोका दरबारका लागी बिहानीको साईतमा फूलपाती पठाइएको हेरचाह अडले जानकारी दिएको छ ।कोरोना संक्रमणका कारण गत बर्ष सामान्य रुपमा फुलपाती भित्राईएको भएता पनि यो बर्ष भने बाजागाजा सहित डोली फुलपाती भित्राईएको हो ।
सांस्कृतीक विधिपूर्वक पूजाअर्चना गरि दरबारका सुसारेहरुले आजै शुभसाइतमा फूलपाती सहितको डोली गोरखा दरबारको दशैं घरमा भित्राएको हो ।गोरखाबाट पठाइएको फूलपाती हनुमानढोका र गोरखा दरबार भित्राएपछि मात्र आज देशै भरी फूलपाती भित्र्याउने प्रचलन रहदै आएको छ ।
तत्कालिन राजा पृथ्वीनारायण शाहले काठमाण्डौको हनुमानढोका दरबारबाट राजकाज शुरु गरेदेखि वर्षेनी वडादशैको फुलपातीका दिन गोरखा दरबारको दशैघरबाट फूलपाती सहितको डोली काठमाण्डौको हनुमानढोका दरबार पुरयाउने प्रचलन रहदै आएको छ ।
बिधि पूर्वक गोरखा दरबारस्थित दशैं घरबाट निस्किएको लावा लस्करले सतिपिपल चौतारामा राखिएको फुलपाती गोरखा दरबार भित्राईएको हेरचाह अडले जानकारी दिएको छ ।
