गोरखा, १९ भदौ । नवौं राष्ट्रिय खेलकुद प्रतियोगिता अन्तर्गत पोखरामा भएको प्रादेशिक छनौटमा गोरखाले १६ स्वर्णसहित ४२ पदक जितेर तेस्रो स्थान हात पारेको छ ।
विभिन्न १७ विधाका खेलकुदमा भाग लिएका गोरखाका खेलाडीले १६ स्वर्ण सहित १० रजत र १६ कास्य पदक जितेर तेस्रो स्थानमा रहेको जिल्ला खेलकुद विकास समितिका अध्यक्ष शान्तसिं बस्नेतले जानकारी दिनुभयो ।
गोरखाले एथ्लेटिक्समा ६ स्वर्ण, ३ रजत र १ कास्य, तेक्वान्दोमा १ स्वर्ण, २ रजत र ६ कास्य, जुडोमा १ स्वर्ण, १ रजत र १ कास्य, सितेरियो करातेमा ३ स्वर्ण, ३ रजत र २ कास्य तथा स्क्वासमा २ स्वर्ण पदक जितेको उहाँले बताउनुभयो।
यस्तै बक्सिङमा १ स्वर्ण र १ रजत, उसू र रग्बीमा १र१ स्वर्ण, फुल कन्ट्याक कराँतेमा १ रजत र ३ कास्य तथा खोखोमा एक कास्य पदक जितिएको बस्नेतले बताउनुभयो ।
स्वर्ण पदक विजेता सहित विभिन्न समूहगत खेलमा उत्कृष्ट ठहरिएका गरि ३५ जना खेलाडीहरुले नबौं राष्ट्रिय खेलकुद प्रतियोगितामा सहभागीता जनाउने छन् ।
उनीहरु छिटै बन्द प्रशिक्षणमा रहने जिल्ला खेलकुद विकास समितिले जनाएको छ ।
