धनगढी, १७ भदौ । बझाङमा अरिङ्गालले टोकेर एक बालिकाको मृत्यु भएको छ ।
थलारा गाउँपालिका–८ का गणेश सुनारकी ८ वर्षीय छोरी किस्मा सुनारको अरिङ्गालको टोकाइका कारण मृत्यु भएको हो ।
बिहीबार बिहान घर नजिकै ओखर खोज्न जाने क्रममा अरिङ्गालले टेकेर घाइते भएको उहाँको उपचारका क्रममा मृत्यु भएको जनाइएको छ । बालिकामाथि अरिङ्गालको गोलो नै पसेको र उहाँलाई अरिङ्गालबाट बचाउन खोज्दा घरका अन्य सदस्यसमेत घाइते भएका मृतकका बुबा गणेश सुनारले जानकारी दिनुभयो ।
