गोरखा ११ भदौं । नेपाल कम्युनिष्ट पार्टी (माओबादी केन्द्र) भीमसेन थापा गाउँपालिका ३ तान्द्राङ र ४ धावाको वडा पार्टी समितिको बैठक शनिबार सम्पन्न भएको छ । गाउँपार्टी समितिका अध्यक्ष सुजन पाण्डे (बिनोद) को प्रमुख आतिथ्यता बसेको दुवै वडाको बैठकले वडापार्टी समिति, सेल समिति तथा टोल समितिलाई क्रियाशिल बनाउने र भदौ मसान्तसम्ममा बैठक तथा प्रशिक्षण सम्पन्न गर्ने निर्णय गरेको छ ।
त्यस्तै पार्टी केन्द्रीय कार्यालयले भवन निर्माणका लागि आवहा्न गरेको बिशेष आर्थिक सहयोग संकलनका लागि वडास्तरबाट नै पार्टी सदस्यसम्म पुगेर संकलनको थालनी गर्ने निर्णय दुवै वडाको बैठकले गरेको उहाँले बताउनुभयो ।
नेकपा माओबादी केन्द्र भीमसेन थापा गाउँपालिका वडा नम्बर ४ को बैठक
पार्टीको वडा नम्बर ३ बैठकले वडापार्टी अध्यक्षको क्रियाशिलता कम रहेको भन्दै तत्कालका लागी उपाध्यक्षलाई कार्यवाहक अध्यक्षको जिम्मेवारी दिने तथा वडापार्टी समितिको सचिव देश बाहिर रहेकाले सहसचिवलाई सचिवको जिम्मेवारी दिने निर्णय गरेको छ ।
त्यस्तै धावाको वडापार्टी बैठकले पनि वडापार्टी भित्रदेखिएका समस्याहललाई हल गरेर पार्टीलाई एक ढिक्का बनाएर अघि बढ्ने सहमति भएको छ । धावामा भएको बैठक गाउँपार्टी समितिका सचिव मदन शाक्य लगायतको पनि सहभागिता रहेको थियो ।
