विराटनगर, ८ भदौ । विराटनगरमा दुई समुह बिच ग्याङ फाइट हुँदा १० जना घाइते भएका छन् ।
विराटनगर महानगरपालिका–१२ मल्हन्वा टोलमा मङ्गलबार साँझ गोपाल राजवंशी र राजकुमार कामतको समूहबीच झडप हुँदा १० जना घाइते भएका हुन् ।
ग्याङ फाइट हुँदा गम्भीर घाइते बनेका राजकुमार कामतको न्युरो अस्पतालमा र अन्यको कोसी अस्पतालमा उपचार भइरहेको जिल्ला प्रहरी कार्यालय मोरङका प्रवक्ता डिएसपी दीपक श्रेष्ठले जानकारी दिनुभयो । पुरानो रिसिइबीका कारण दोहोरो झडप भएको प्रारम्भिक अनुसन्धानबाट खुल्न गएको प्रहरीले जनाएको छ ।
ग्याङ फाइट हुँदा राजवंशीको समूहका अजय राजवंशी, सञ्जीव राजवंशी, मन्जित राजवंशी, गणेश राजवंशी र धनपथ राजवंशी र कामततर्फका राजकुमारसहित दिनेश कामत, राजु कामत, सञ्जय कामत र काली कामत घाइते भएका छन् । घटनाको अनुसन्धान भइरहेको प्रहरीले जनाएको छ ।
