कैलाली, ७ भदौ । कैलालीमा छाडा छोडेको गाईसँग मोटरसाइकल ठोक्किदा चालकको मृत्यु भएको छ ।
धनगढी उपमहानगरपालिका–१३ हिमाली टोलका ३० वर्षीय गङ्गा बोगटी मृत्यु भएको हो । ठक्करबाट गम्भीर घाइते हुनु भएको बोगटीको निसर्ग अस्पताल धनगढीमा उपचारको क्रममा मृत्यु भएको जिल्ला प्रहरी कार्यालय कैलालीका प्रहरी नायब उपरीक्षक (डीएसपी) बेदप्रकाश जोशीले जानकारी दिनुभयो ।
धनगढी–१३ अत्तरियाबाट धनगढीतर्फ आउँदै गरेको सुपप्र ०१०११ प ३८१६ नम्मरको मोटरसाइकलले छाडा छोडेको गाईलाई ठक्कर दिदा दुर्घटना भएको डीएसपी जोशीले बताउनु भयो । ठक्करबाट घाइते हुनुभएका मोटरसाइकलमा सवार शर्मिलाको सोही अस्पतालमा उपचार भइरहेको प्रहरीले बताएको छ ।
