काठमाडौं, ४ भदौ । नेपाली कांग्रेसका नेता तथा सांसद प्रदीप गिरिको निधन भएको छ । ७५ वर्षका नेता गिरिको उपचारको क्रममा ललितपुरको नख्खु स्थित मेडिसिटी अस्पतालमा शनिबार राति ९ : ३६ मा निधन भएको अस्पताल स्रोतले जनाएको छ।
उहाँको विगत तीन सातादेखि मेडिसिटीमा उपचार हुँदै आएको थियो । क्यान्सरका विरामी उनलाई पछिल्लो समय निमोनियाले सताएको थियो ।परिवारको आग्रहमा शुक्रबार उनलाई भेन्टिलेटरबाट निकालेर आइसियूमा राखिएको थियो ।
