डोटी, ३० गोरखा । डोटीमा खोलाले बगाउँदा एक बालिका बेपत्ता भएको छ ।
डोटीको सायल गाउँपालिका – ६ रौकल्ला निवासी शेरबहादुर साउदको ९ वर्षीया छोरी सीता साउद ठूलो खोलाले बगाउँदा बेपत्ता भएको हो ।
आइतबार दिदी भगवतीसँग गोठाला गएकी सीतालाई ४ बजेतिर खोलाले बगाएको सायल गाउँपालिका – ६ का वडा अध्यक्ष दीपक साउदले जानकारी दिनुभयो ।
आइतबार दिउँसो ठुलो पानी परेको थियो । पानी परेपछि बढेको खोला तर्ने क्रममा उनी बगेकी हुन्।
अहिले अस्थायी प्रहरी पोस्ट कलेनाको टोली र स्थानीयले बेपत्ता उनको खोजी गरिरहेका छन् ।
