काठमाडौं, ३० साउन । विष्णुमती खोलामा हाम फालेका व्यक्तिको प्रहरीले उद्धार गरेको छ ।
आइतबार साँझ साढे ७ बजे काठमाडौं महानगरपालिका–१६ बालाजु चोक नजिक पुलबाट खोलामा हाम फालेका अपरिचित व्यक्तिको प्रहरीले उद्धार गरेको हो ।करिब ४०–४५ वर्षीय पुरुषले खोलामा हाम फालेपछि तत्कालै घटनास्थल पुगेर प्रहरी टोलीले उद्धार गरेको हो ।
उहाँको वीर अस्पतालमा उपचार भइरहेको छ । उहाँको बाहिरी शरीमा केही चोट लागेको छैन तर बोल्न नसक्ने भएको प्रहरीको भनाइ छ । उनको अझै पहिचान हुन सकेको छैन । के कारणले खोलामा हाम फालेका हुन् भन्नेबारे अनुसन्धान भइरहेको प्रहरीले जनाएको छ ।
