डोल्पा, २९ साउन । डोल्पामा सडक खन्ने क्रममा माथिबाट खसेको पहिरोलेले डोजर पुरिँदा एक युवकको मृत्यु भएको छ ।
त्रिपुरासुन्दरी नगरपालिका–३ जिऊमा सडक खनिरहेको अवस्थामा माथिबाट खसेको पहिरोलेले डोजर पुरिँदा नेपालगञ्ज उपमहानगरपालिका –१९, बाँकेका डोजर चालक ३० वर्षीय सुरज बसाल मगरको मृत्यु भएको हो ।
सडक खनिरहेको बेला आइतबार बिहान माथिबाट खसेको पहिरोले डोजर पुरिँदा सुरजको घटन स्थलमै मृत्यु भएको कर्णाली प्रदेश प्रहरी कार्यालय सुर्खेतले जनाएको छ । प्रदेश प्रहरीका अनुसार घटनाको जानकारी पाउने वित्तिकै जिल्ला प्रहरी कार्यालय डोल्पाबाट प्रहरी निरीक्षक दीपक महत क्षेत्रीको टोली खटिएको छ ।
मृतकको शव घटना स्थलमा नै रहेको र घटनास्थलको प्रारम्भिक कार्य भइरहेको प्रहरीले जनाएको छ ।
