काठमाडौँ, २८ साउन । आज २४ घन्टामा देशभर थप २६३ कोरोना संक्रमित पुष्टि भएको छ ।
स्वास्थ्य तथा जनसंख्या मन्त्रालयले शनिबार जारी गरेको तथ्यांकअनुसार ३ हजार १६५ नमुना परीक्षणमा २६३ जनामा संक्रमण पुष्टि भएको हो ।
१ हजार ३९९ पीसीआर परीक्षणमा १६२ र १ हजार ७६६ एन्टिजेन परीक्षणमा १०१ जनामा संक्रमण पुष्टि भएको मन्त्रालयको तथ्यांकमा उल्लेख गरिएको छ । हाल सम्म देशभर ५ हजार ४३४ जना सक्रिय संक्रमितको संख्या पुगेको छ ।
२४ घण्टामा कोरोना संक्रमणबाट ५०१ जना निको र २ जनाको मृत्यु भएको छ । २४ घण्टामा १ लाख २७ हजार ३२१ जनाले खोप लगाएका छन् ।
