गोरखा, २० साउन । गोरखामा पछिल्लो समय कोेरोना संक्रमणको दर बढ्दै गएको छ । जिल्लाको विभिन्न स्थानिमा १५ जनामा गरिएको परिक्षणका क्रममा ५ जनामा संक्रमण देखिएको छ । बिहीबार गोरखा अस्पताल, आरुघाट गाउँपालि र पालुङटार नगरपालिकामा गरिएको एन्टिजेन परिक्षणका क्रममा थप ५ जनामा संक्रमण देखिएको हो ।
स्वास्थ्य कार्यालय गोरखाका अनुसार गोरखा अस्पतालमा २ जना महिला र ५ जना पुरुषमा गरिएको परिक्षणमा २ जना पुरुषमा संक्रमण देखिएको थियो भने आरुघाट गाउँपालिकामा ४ जना महिला र २ जना पुरुषमा गरिएको परिक्षणमा २ जना महिला र १ जना पुरुषमा संक्रमण देखिएको छ ।
पालुङटार नगरपालिकामा १–१ जना महिला र पुरुषमा गरिएको परिक्षणमा कसैलाई पनि पोजेटिन देखिएन ।
कार्यालयका महामारी फोकल पर्सन नारायणबावु अर्यालका अनुसार साउन यता १९६ जनामा गरिएको एन्टिजेन परिक्षणका क्रममा ५१ जनामा संक्रमण देखिएको छ । जस मध्ये १४ जनाले कोरोना जित्न सफल भएका छन् ।
जिल्लामा हाल गण्डकी, बारपाक सुलिकोट, धार्चे र चुम नुब्री गाउँपालिका बाहेकका ७ स्थानिय तहमा ३७ जना सक्रिय संक्रमित रहेको कार्यालयले जनाएको छ ।
