गोरखा, १९ साउन । कपनको भृकुटी चोकबाट हुन्डी कारोबारमा संलग्न रहेको आशंकामा गोरखा धावा ग्याल्जेन लामा पक्राउ परेका छन् । महानगरीय प्रहरी प्रभाग कपन र प्रहरीवृत्त बौद्धको प्रहरीको संयुक्त टोलीले गोरखा चुमनुव्री गाउँपालिका घर भई हाल काठमाडौं तीनचुली बस्ने २४ वर्षीय धावा ग्याल्जेनलाई प्रहरीले बुधवार राती पक्राउ गरेको हो ।
बुधबार साँझ भृकुटीचोक सडकखण्डमा जाँचका क्रममा बा ९९ प ७२०४ नम्बरको मोटरसाइकलमा सवार उनलाई स्रोत नखुलेको ३२ लाख र उनको कोठामा समेत जाँच गर्दा १७ लाख ५० हजार गरी ४९ लाख ५० हजार रुपैयाँ बरामद भएको प्रहरीले जानकारी दिएको छ । पक्राउ परेका धावाले काका खेम्बु निङ्मा दोर्जे हाल ताइवानमा रहेको र उताबाट पैसा पठाउने गरेको प्रारम्भिक बयान प्रहरीलाई दिएका छन ।
उनले सो रकम हुण्डीमा प्रयोग हुने गरेको आशङ्का रहेको जनाउँदै प्रहरी थुनामा राखेर थप अनुसन्धान गरिरहेको छ ।
