झापा, १२ साउन । झापाको कमल गाउँपालिका–५ स्थित गीता पेट्रोल पम्प अगाडि टिपरको ठक्करबाट एक साइकल यात्रीको मृत्यु भएको छ । दुर्घटनामा सोही वडाका १७ वर्षीय सञ्जीव इम्सङ लिम्बूको बुधबार मृत्यु भएको जिल्ला प्रहरी कार्यालय झापाका सूचना अधिकारी बसन्त पाठकले जानाकारी दिनुभयो ।
पश्चिमबाट पूर्वतर्फ आउँदै गरेको बागमती प्रदेश–०३–००१ प २१२ नम्बरको टिपरले साइकलमा सवार लिम्बूलाई ठक्कर दिएको थियो । टिपर चालक मकवानपुरको चुरेमाई नगरपालिका–५ का ३१ वर्षीय सुजन बाइबालाई प्रहरीले नियन्त्रणमा लिइएको उहाँले बताउनु भयो । रासस
