काठमाडौं, १० साउन । टिकटक बनाउने क्रममा चिप्लिएर सल्यानको कुपिण्डे तालमा खस्दाँ एक जना बेपत्ता भएका छन् ।
जिल्ला प्रहरी कार्यालय सल्यानका प्रहरी प्रमुख सुमित खड्काले दाङको तुलसीपुर उपमहानगरपालिका –६ का अन्दाजी ३७ वर्षीय बेद बहादुर बस्नेत बेपत्ता भएको जानकारी दिनु ।
उहाँका अनुसार बेपत्ता भएका बस्नेतको घर कपुरकोट गाउँपालिकाको सिनवाङ हो ।
मंगलबार दिउँसो साथीहरुसँग तालको किनारमा टिकटक बनाइरहेको अवस्थामा चिप्लिएर तालमा खसेको र अहिलेसम्म कुनै अत्तोपत्तो नलागेको उहाँले बताउनु भयो ।
प्रहरीले खोजी कार्य जारी राखेपनि गोताखोरको टोली नभएकाले तालभित्र खोज्न समस्या भइरहेको जनाएको छ ।
