मोरङ ५ साउन । गोरखाका एक युवक संगै १५ जनालाई प्रहरीलाई युरेनियम सहित पक्राउ गरको छ । बिराटनगरमा युरेनियमका साथ गोरखा जिवन गुरुङ सहित १९ जनालाइ प्रहरीले पक्राउ गरेको छ । बिराटनगर महानगरपालिका ९ मा रहेको ठुलदाइको होटल र ३ स्थित दुध फारमबाट उनिहरुलाई पक्राउ गरेको प्रहरीले जनाएको छ । पक्राउ परेका मध्ये होटलबाट ८ जनालाई १ केजी ८७.३ ग्राम सहित र दुध फार्मबाट ७ जनालाई ९७८.६ ग्राम युरेनियम सहित पक्राउ गरेको प्रहरीले पुष्टी गरेको छ ।
पक्राउ पर्नेमा गोरखा गण्डकी गाउँपालिका ८ बस्ने ४५ वर्षीय जिवन गुरुङ समेत रहेको प्रहरीले जनाएको छ । उनलाई दुध फार्मबाट नियन्त्रणमा लिइएको हो । दुध फार्ममा पक्राउ पर्ने अन्यमा महोत्तरी मङ्हा नगरपालिका ६ बस्ने ४२ वर्षीय अब्दुलगनी खान, बर्दिबास नगरपालिका १२ बस्ने ३० वर्षीय चन्दनकुमार महतो, मोरङ ग्रामथान गाउँपालिका ३ बस्ने ५५ वर्षीय रबिन्द्र गच्छेदार, मकवानपुर बागमती गाउँपालिका ५ बस्ने ३६ वर्षीय दिपकबहादुर भ्लोन, मोहत्तरी मनराषिशवा नगरपालिका ३ बस्ने ४९ वर्षीय उमेशप्रसाद यादव र सिन्धुली कमलामाई नगरपालिका ५ बस्ने २८ वर्षीय श्याम घिमिरे रहेको बिराटनगर प्रहरीले जनाएको छ ।
त्यस्तै मोरङ धनपालथान गाउँपालिका ७ बस्ने ४१ वर्षीय शिव शंकर पासवान, ४३ वर्षीय प्रदिप पुरी, ४४ वर्षीय लक्ष्मण शर्मा, सोही गाउँपालिका ४ बस्ने ३७ वर्षीय मुकेशकुमार साह, कटहरी गाउँपालिका २ बस्ने ४० वर्षीय दिलिपकुमार शर्मा, विराटनगर महानगरपलिका १२ बस्ने ४६ वर्षीय फटिककुमार कार्की, सोलुखुम्बु माग्पे गाउँपालिका ७ बस्ने ३५ वर्षीय गोपाल मगर र खोटाङ हलेसी नगरपालिका ९ बस्ने ३२ वर्षीय किरन राईलाई होटलबाट पक्राउ गरिएको हो । पक्राउ परेका सबैका सम्बन्धमा प्रहरीले अनुसन्धान गरिरहेको जनाएको छ ।
