प्रचण्डकी नातिनी सृष्टि केसी विद्यार्थी संगठनको केन्द्रीय सदस्यमा मनोनित

काठमाडौं, ६ असार । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ की नातिनी सृष्टि केसी (दाहाल) अखिल क्रान्तिकारीको केन्द्रीय सदस्यमा मनोनित हुनु भएको छ । स्वर्गीय ज्ञानु दाहालकी छोरी सृष्टिलाई आइतबार बसेको अखिल क्रान्तिकारीको केन्द्रीय समिति बैठकले केन्द्रीय सदस्यमा मनोनित गरिएको हो ।

विद्यार्थी संगठनमै नभएकी सृष्टिलाई अध्यक्ष पञ्चा सिंहले केन्द्रीय सदस्यमा राख्नु भएको हो । तर, अध्यक्ष पञ्चा सिंहले सृष्टि लामो समय विद्यार्थी संगठन मै काम गरेकाले केन्द्रीय समितिमा राखिएको प्रतिक्रिया दिनु भयो । सिंहले सृष्टिलाई अध्यक्ष प्रचण्डको नातिनी भनेर राखेको नभई योगदान गरेको भएर राखिएको बताउनु भयो ।